نجحت ماما

بما ان محدش شاف الكلام ده الا بطوطة قلبى وابو خضار فى عينيه قلت انزله وبرده هيردوا غصب عنهم

نجحت ماما
نجحت ماما في إنها تخلينا نشرب اللبن ونام عالطول
نشربه من غير ما نفكر
إحنا بنشربه ليه؟
طب هو مفيد لينا ولا إيه؟
نشرب من غير ما نفكر
وده اللى لسه بيحصل لحد دلوقتي
ماما زودت أسعار كل حاجه
كل حاجه
دى وصلت لرغيف العيش
وبرغيف العيش ده بالذات تضمن اننا هنسمع الكلام
وبكده خلتنا منفكرش في اللي بيحصل حولينا ولا اللى بيحصل في البلد
وبقى كل همنا إزاى نوفر ثمن رغيف العيش

ولا الموصلات واسعارها
مهو اصل البنزين سعره عالى على السواقين
اللى بيحولوا يأكلوا عيالهم
ولا هو كل من ركب عربيه بقى بيه

وماما نيتها سليمه فى كل ده
اصلها لما زودت ثمن رغيف العيش زودته عشان يبقى انظف
اصل ماما ديما رايها انها عارفه مصلحتنا
وبتعرف ازاى تخلينا نسمع كلامها
بقى هنهتم باللى بيحصل فى البلد من خراب ولا هنهتم بأننا نوفر رغيف عيش

وبكده نجحت ماما للمرة المليون في إنها توجه تفكرنا للهيا عايزاه
ومن هنا جت المقوله اللى بتقول
(ابنك على ما تربيه)