منتخـــــــــب الممصوصيـــــــــــــــن

التعديلات الدستورية


التعديلات ادستورية
يادي الكلام الكبير
ياعم نفض
طب هحكلكم حكاية ممكن فيها نغيــــــــر
النهــــــــــــــــــــــاية
في منتخب.... منتخب كورة طبعا
المنتخب ده كبير أوي...،
منتخب عريق، له تاريخه وله اسمه بي الفرق التـــــــــــانية كتـــــــــــــــير
بيتمنوا يبقوا من المنتخب ده بس المنتخب للأسف
بقاله فترة في حالة انتكاسة شديدة (مش قصدي الزمالك طبعا)
واللاعيبه تعبانة ومش ناقصه،
وبتلعب على قد ما تقدر
وبتحاول تدي
آه
منهم ساكت ملوش في حاجه
ومنهم اللى ليه بس مكبر
أو
بيقول مفيش فايده
إلا
لما الجهاز الفني والمدرب يتغيروا
وفي منهم اللى يتكلم وسعات بينطح كمان
وفي عز الانتكاسة دي.... قرر رئيس المنتخب إنه يقوم بتجديدات
زي ما بيقول في مصلحة المنتخب
ومن ضمن التجديدات او التعديلات
أنه قرر يغير شكل الفلنات بتاعة المنتخب هيخليها بنفس الارقام
بـــــــــــس
هيغير الشكل (وياريت الشكل وبس ده كمان هيغير الخامه .... هباب)
بس لاعيبه كتير مردتش تتخلى عن فلناتهم القديمة
ومن هـــــــــنا
بدءت المشاكل تزيد بين رئيس المنتخب والمنتخب نفسه
والفجوة بينهم زادت اكتر ماهى زايده
وخصوصا اللاعب صاحب الفلنة رقم88 واللاعب صاحب الفلنه رقم 179
(اه في فلنات بالارقام دي بس مبتخدوش بالكم ابقوا ركزوا المطش الجاي)
واللاعبان دول اتمسكوا برايهم فلنات بشكلها القديم
يا بلاش
ورئيس المنتخب مصمم على الشكل الجديد أصله همه مصلحتهم
(ال يعني الفلنات هي المشكلة)
ولما خلاص وصلوا مع بعض لمرحلة صعبة
قرر
رئيس الممصوصين(رئيس المنتخب يعني)
قرر ينزل مباراة ضد اللاعبان دول وضد اللى مش موافق معاهم
ونســــــــــــــى
انه هو والمنتخب المفروض حاجه واحده
وطبعا
وكالعادة
في لاعيبه من المنتخب مؤيده لرئيس المنتخب مش عشان اقتناعهم الشكل والخامة الجديده للفلنات
لا
عشان مشربش الشاي اشرب قازوزه انـــــــــا
هتقولوا معقوله كل المشكله دي عشان شكل الفلنات الجديد
وفيها ايه هو التجديد وحش
بس اللاعيبه متمسكه بالشكل والخامه القديمه(اصلها قطن وانتم عارفين الحر في بلدنا)
وعشان المنخب يكسب لازم نهتم بمطالبه حتى لو في شكل الفلنات
ماهو اللى بيلعب مش غيره
لـــــــــــــــو
لو في ايدك تلعب مع المنخب في المباراة دي تلعب
ولا
كالعادة بنخب نقعد في المدرجات
تحت نظرية خاسرانين.... خاسرانين
لما نحس ان المطش خسران خسران
نقول بلاه المطش
وايه لازمتها البهدلة
نقعد في المدرجات احس
ولا
نلعب المطش ويبقى اسمنا حاولنا ولعبنا
حتى لو خسرنا

لا تعليق

يااهلا
انا مش عارفه انا بكتب البوست ده ليه؟
واول مرة اكتب بوست من غير ما يكون فكرة في دماغي
بس بجد انا مضايقه ليه معرفش
او يمكن عارفه بس بستعبط بس بجد مضايقه جدا
هو انا ........
ممكن يكون مكان النقط دي مثلا كلمة غبيه
على فكرة انا كنت هاعمل زي سكايار وقلت مفيش داعي ابين اني زعلانه
بس
اهو بلوجتى وبرحتي بقى
محدش يهتم بالهبل ده
اهو افضفض مع نفسي احسن ما اطق
الهانم الاولى مبتردش
والتانيه برضه زيها
ربنا يخللهم النوم
حتي مش عارفه اقول اللي عايزاه!!
عارفين لما تعزوا حد وتخافوا ليكون زعلانه منك
وتحاول تتاكد بس يمكن غصب عنى زززززز كتير شكلى نحله ولا ايه ؟
يارتنى عارفه اكتب اللى جوايا
بس للأسف للأسف مش عارفه
والله ما بحب الكآبه
بس يمكن طبيعه في الانسان انه بيميل للكآبه بسرعه
ويا سلام لما حد ياخد فكرة عنك وخلاص يخليها اساس
والله لو وقفت على شعر راسي برضه مش هتتغير
ويا سلام اكتر لو الناس دى....
انا مش شايفه اني صعبه الفهم
انا قلبي كتاب مفتوح أو بمعنى آخر أنا كتاب مفتوح
ايه الهبل اللي بقوله ده
يلا اه اتقال
وخلاص

أُتراك تراني؟؟

أ ُتـــــــراك تــــــــــــراني؟؟؟؟

تحـــــــس بمشاعري تجاهــــك.....

أشعر أحيانا أنك ملكي

ملكي أنا وحدي

ولكن

هناك سد
أُتـــراك تسمعني؟؟؟؟

تسمع نداء قلبي

مــــــــــا الذي يبعدك عني اهو القـــــدر

أم إنه قلبك

أُتراك ترانـــــــــــي أم انني اتوهــــــــــــم

هفلسع قريب ولا ايه؟

شكلي هفلسع قريب ولا اييييييييييييييييييييييييه
واااااااااااااااااء:(



واااااااااااااااااااء



لا متخوفش قاعدلكم قاعدلكم
بس بقالى كام يوم بفكر فى المقوله اللى بتقول:
اعمل لدنياك كأنك تعيش ابدا واعمل لآخرتك كأنك تموت غدا
أو
اعمل حاجة في دنيتك تفيدك فى اخرتك
قعد افكر كتير وكان فى فكرة كنت بعملها زمان قولت فيها ايه لو عملنها كلنا دلوقتي
يلاااااااااااااااااااا إن شالله محد حوش
بصوا بقى يا اخونا
انا قلت لو كل عشرة مننا جمعوا في الإسبوع5 جنيه بلااااش
نبقى عشرة هتقولوا كتير ومش ديما هنلاقي بعض
والكلام الكتير اللى بيتقال ده

هقولك خلاص لو كل خمسة كل واحد فيهم جمع فى الاسبوع 5 جنية

يعني فى الشهر20 جنيه يبقى يبقى اجمالي الخمسة 100جنية في الشهر
إيه رأيكم شطره في الحساب صح......اصلي كنت رياضه2 عقبال عندكم

وممكن كل عشرة مع بعض وفي الحالة دى كل واحد من العشرة هيدفع في الاسبوع2 جنيه ونصف
وبرضه اجمالى مبلغ العشره في اخر الشهر100 جنيه
او كل عشرين

المهم المبلغ لا يقل عن 100 جنيه
والمبلغ ده نديه لحد محتاج بحيث يكون مرتب شهري
وللي ميعرفش حد يقولي
ولو مش عايز يسأل ممكن كل شهر يتحط المبلغ ده في عمل خير ايتام، مستشفيات،........
كده محدش له حجه ،،،، وخدين بالكوا
وبدايتنا هقولكم الخمسة اللى هبيدءوا هما مين
انا عارفه من غير ما يقولوا
خدوا بالكم من اسماءهم
وهم:
حلاوة باشا
وسكايار
وطبعا استاذ عاشق
وطبعا دكتور مستكنيص (طبعا فاكر الجنية اللى كان بيتاخد منك فى اى ازمة هههههههههه)
والخامس يكون واحد مثلا عامل مجله على جروب مثلا يعنى طبعا...... وخدين بالكم او اى حد معاكم
(اتثبتوا خلاص):)
ومحدش يقول معايش فلوس أو والله دي فلوس الكتب لإن فيكم اللى بيشتغل .... واخد بالك يا سكايار
ها إيه رأيكم في الفكرةواللي موافق يرد

وفي حالة انك فلسعت ممكن تقول لحد من بيتكم يعملها باسمك وفي الحالة دي تبقى صدقه جاريه
عيب البلوج انه مفيش اموشونات

؟!؟

ليــــــــــــــه كا ما احب حد بيبعد عنى
( البعد مش بعد مكان البعد بعد مشاعر)
يمكن
اكـــيـــــــــــــــــــــــد
العيب مني
بس اعمل ايه لو سهروا مرة الليل زي
يفكروا فيه زى ما بفكر فيهم
ممكن يفهموا ويقدروا
والله بحبهم
بس مشكلتي اني بحب من غير حدود
والثقة عالطول
مشكلتي اني مبعرفش اقــــــــــــــــــــــــول

وهم كبير

من وردة لنحلة:_
اشتقتلك
ووحشتنــــــــــــــــــــــي
مسكة ادينا
ضحكة عنينا
كل لحظه عشناها سوا حتى لو كانت حزينة
وميـــــــــــــــــــــن بعدك يحس بيه
أو
حتى يفهمني من نظرت عنيا
أشتقت لشوقك وحضنك ليا
واللي وجعنـــــــــــــــــــــــــــــــي ان انتي مكنتيش انتــــــــــــــــــــي

كــــــــــــــــــــان يا ما كــــــــــان

كان يا ما كان وكان يا ما كان الحب مالي بتنا ومدافينا الحنان....

كان يا مكان
كان فيه بنتين واحدة اسمها وردة والتانيه اسمها نحلة
وردة ونحلة كانوا بيحبوا بعض اوى ورغم ان فرق السن بينهم كان3 سنين الا انهم كانوا زى بعض تقريبا فى كل حاجه حتى التفكير
كانوا بيقهموا بعض بالنظرات وكانوا بيعملو اى حاجه ويستغلوا اي فرصة عشان يبقوا مع بعض واللى خلى علاقتهم تزداد اكتر واكتر ان عائلتهم كانوا عارفين بعض،،،
مرة نحلة كانت زعلانه راحت مامتها اتصلت بوردة وقالتلها اقنعى نحله تنزل معانا لانى معرفش مالها
ومرة وردة كانت زعلانة من نحله راحت نحلة معورة صبعها وكتبتلها بالدم بحبك
ومرت الايام والسنين ويوم بعد يوم علاقتهم ازدادت قوة اكتر
كانوا بيشوفوا بعض تقريبا كل يوم وكانوا يوميا بيتكلموا ده كانت المكالمه بينهم ممكن توصل لساعتين وتلاته(محش يقول يا عيني على الفاتوره ملكوش دعوة)
وفى يوم زرهم الزمان سرق منهم فرحتهم والراحه والامان
والموج علا وردة حاربت وقاومت عشان نحلة وقالت انا ونحلة حاجة وانتم ومشاكلكم حاجه تانية
وكانت متاكده ان نحله هتعمل زيها
بس للاسف نحلة مكنتش بتعرف تعوم ومحولتش تتعلم عشان تبقى مع وردة
ووردة قعدت تتبل يوم بعد يوم وتقول حبيبى كان هنا مالي الدنيا عليا بالحب والهنا حبيبي يا انا يا اغلى من عينيى نسيت من انا
انا الحب اللى كان اللى نسيته اوام من قبل الاوان
ومرت الايام....وقبلت وردة ورود كتير غيرها وبقوا زى الحديقة الصغيرة الجميلة
ويوم بعد يوم وردة بدءت تقرب منهم وحبتهم اوى ولقت فيهم حاجات كتير كانت محتجاها
ورغم انه بعد لسعة نحلة قالت خلاص لازم احاسب بعد كده الا انها اوا ما شافت الورود دول حبيتهم اوى ولا حسبت ولا حاجه
بس ما اكدبش عليكم وردة من وقت للتاني بتفتكر نحلة وتحنلها وتحطلها اعذار
والســـــؤال دلوقتى يا ترى نحلة لقت وردة غير وردتها؟؟؟
اصل الورد يا اخونا انواع:
في وردة رحتها حلوة وشكلها حلو
وفي ورده شكلها حلو ورحتها مش حلوة
وفي ورده شكلها مش قد كده بس رحتها حلوة

تعليق بسيط:
لما تكون داخل القصة بتكون ليك نظرة غير لما تكون براها
وده اللي وردة اتعلمته انها تبص للعلاقة من جوه وبره

ماما أمريكـــــا

قال ايـــــــــــه....
مش قادره أصدق ودانــــــــــى....
عايزين يلغوا المادة التانيه من الدستور أو يعدلوها
المادة اللى بتقول ان الشريعة الاسلامية هى مصدر التشريع الاول فى مصر
(بالذمة ده كلام)
لا ومين اللى بيطالب بكده
ياريت كانوا اقباط مصر
( يبقى سعتها في كلام تاني)
لا ده مجموعه من اقباط المهجر وامريكا
(ده اللى بيتقال)
شايفين ان
اقباط مصر متضررين من الماده دى
ما يشوفوا نفسهم هناك الاول
ازاى وامريكا بلد الامن والامان
ترضى بظلم اى حد
اصل الام يااخونا معنى كبير اوى
الام دى حضن كبير
وعشان كده ماما امريكا متقدرش تسكوت على حق حد
حتى لو كان ده هيغير من الدستور
المهم ولادى ولادى
اصلها ام
ركزوا
عايزه تركيز اكتر
خدوا بالكم
من الكلام الجاى
أصل إحنـــــــا معندناش نووى ولا اسلحة دمار شملوله
طب يدخلولنــــــــا ازاى
يعملو فتنة بين اقباط مصر ومسلميها
(وده با عتبار ان الفتنة موضه اليومين دول)
فيجو هما عشان يصلحو بنهم
ولا ايـــــــــــــه
وهنيالك يا فاعل الخيــــــــــــــــــــــــــر

بس ده بعدهم مش قرع والله حاكم القرع منتشر اليومين دول ورخيص

شعب مصر ميضحكوش عليه

ليه لازم تتغبى مع الناس؟

سؤال وجيه
؛؛؛
هو ليه لازم تتغبى مع الناس عشان تفهمك
او عشان تحس بيك صح!
وليه لازم تقسى على اللى بتحبه
عشان
يحس ان فى حاجه متغيره فيك او انك محتاج له جنبك!
يعنى مثلا ممكن تكون قاعد وسط ناس وعشان ساكت
يفسره سكوتك ده بانه ضعف
الحكايه مش حكاية ضعف
ولا لازم اعورك فى عينك عشان تحس بوجودى وبانى اقدر
ولا اضرخ عشان اتسمع
فيها ايه لو خدنا بالنا من كل اللى حوالينا
ده ميعرضش ان السكوت فى كل الاوقات مش صح
لكن فى وقات الانسان بيبقى مبسوط وخلاص من اللى حواليه بس مش لازم يتكلم
بكل بساطه لانه مش عارف
مش لانه ضعيف
وبعدين مش معنى ان يكون معايا سيف انى اعلن عنه عالطول
وافضل اقول زى الهبله،
،،،
هيه هيه هيه
هيه هيه هيه
هيه هيه هيه
،،،،،
انا معايا سيف اهو ياجدعان
،،،
فيها ايه لما افضل عينه لحد ما احتاجه
ليه لازم نورى اسلحتنا لبعض
الايام والمواقف اللى تبين مش انا اللى ابين
فالصح انى متسرعش فى الحكم على اى انسان ساكت
واحاول احتوى الناس اللى حواليه قدر الامكان
يبقى السؤال بجد
تخسر عينك ويصرخ فى وشك
ولا
محكمش على انسان ساكت
واستنى لما يطلع اللى عنده برحته
او لما الايام والمواقف تطلعه
لان مش ديما اللى بنحس بيه بنعرف نوصله
ممكن ابقى بحبك اوى بس لان مشاعرى دى كبيره من ناحيتك معرفش اوصلك
تنويه هام للمرة الاخيرة:
يا جماعه انا معرفش الموضوع اختلط عليكم ليه او مفهمتوش كلامى صح
انا كل اللى بقصده ان الانسان الساكت ده ممكن من تصرفات اللى قدامه غصب عنه يتغبى او يقسى على اللى قدامه ده عشان يحس بيه او يوصله انه يقدر
وده مش معناه انه مش عارف مشاعر اللى قدامه من ناحيته اه عارفه انك بتحبنى لكن ادينى مساحه ولا تفهم سكوتى ضعف
(الصمت ليس بالضرورة دليلا على الازدراء أو فراغ العقل
فأحيانا ما نصمت من كثرة ما نحمل من افكار او مشاعرفاقت
قدراتنا عن التعبير......هذه الكلمات مقتبسه من روحى هدى