يا سلااااااااااااااااااااام

المحاضرة ......... المحاضرة............المحاضرة
يا سلااااااااااام على الزهق والملل اللى بيحس بيه الطالب جوا المحاضرة
تدخل المحاضرة تستنى الدكتور يشرف
ويجي الدكتور على مهله ورحته ويمكن متاخر ساعة او جاي في اخر دقيقة
ويقعد على المنصة كأنه......
(محدش يروح بدماغه بعيد ريحوا دماغتكم شويه)
ويقعد يشتم ويهزق ويسأل وانتم غيرنا احنا كنا بنحب العلم وبنفضل ورا اساتذتنا ونتعلم
مش انتم تدشوا كلمتين وترموهم فى الامتحان وخلاص
قال يعنى هو بيشرح في المحاضرة وبيدي الساعتين ساعتين بالتمام والكمال
وبيجي في المعاد وبيناقش في المحاضرة واحنا اللى متبطرين
الدكتور من دول يدخل ويحكي قصة حياته وامجاده للى حققها ويعيشنا حكاياته ......وكل سنه يقول نفس حكايه السنه اللى قبلها بس
يغير فى السيناريو حبيتين
وبعدها يقعد يشتم شويتين
ولما يحس ان تلت تربع المحاضرة خلصت وعشان يريح ضميره ويحسس نفسه انه بيشرح
يسأل سؤال من السنه اللى فاتت ويكون عارف كويس ومتاكد ان محدش عارف
فلما محدش يرد يشتم تاني وانتم وانتم وانتم
(الواحد ساعتها بيبقى هاين عليه يقوله اه احنا اغبيه اسكت بقى)

و ياسلااام لما حد يرفع ايده ويفكر يجاوب يخليه يكره اليوم اللى فكر يرفع اديه فيه
ويحسسه قدام الدفعه كلها انه مبيعرفش حاجه
أمري لله(ده الدكتور طبعا) هشرح تانى........طيب ما تشرح منهج السنه دى احسن
ولا نفضل نشرح فى اللى فاتت وقبل الامتحان بمحاضرتين او تلاته نبدأ
نشرح منهج السنه دى
حسبي الله ونعم الوكيل...........بيحطوا العيب فينا
بس شهاده لله تلاقى دكتورين فى القسم عندهم ذمة وبيشرحوا
بس لا يمنع انهم بيتفذلكوا برضه

وفي نوعيه تالته بتشرح وتمنع الدخول وراها حد لو هتموت قدامه لا موصلات ولا صلى ولا حتى الجن الازرق
دول بقى بيقعدوا يشرحوا اكثر وقت المحاضره
بس ازاى
ميحكوش شويه عن امجادهم وانجازتهم وقدراتهم العلمية

ويفتخروا بنفسهم اوى وبأنه الدكتور الو حيد اللى بيشرح في القسم

ولا ياسلاااااااااام لما يطلبوا منك بحث
لازم يشحططوا امك معاك فى البحث ده
لحد متوصل للمراجع اللى عايزنها الدكتور
مع انك ممكن تلاقى مرجع تانى وبيتكلم فى نفس الموضوع
لا ازاى يا المرجع اللى قال عليه الدكتور يا بلاااااااااااش

لا والجديد انه بيتحكموا فى طبعه المرجع اكتب البحث من مرجع طابعة صادر مش من( مرجع هو هوواه المرجع والله بس) طابعة دار المعارف
ياشاطر

لو معرفتش توصل لطبعة صادر ارمي نفسك في البحر
المهم انهم لازم يحسسوك انك غبي ومبتفهمش حاجه

وزى ما دخلت زى ماهتخرج

ربنا يسامحهم ويسامح التعليم في مصر


طبعا ده مش عام على كل الدكاتره ولا على كل الكليات
زي مافي وحش في حلو
بس ده اللى انا شيفها وبيحصل بقاله كذا سنه

رساله من الشاطىء

رسالة من الشاطئ



من المتعارف عليه أم المصيف يكون في أشهر الصيف الأولى يونيو ويوليو, وأغسطس
وإلى نصف سبتمبر, ففي هذه الفترة يمتلئ المصيف بالناس ويزدحم الشاطئ كثيرا
وتعم الضوضاء في المكان وينتشر صوت الأغاني والفزب والكرة وغيرها ..
وبانتهاء هذه الأشهر ومع آخر يوم يرحل الناس ويقل الزحام على الشاطئ, ويرحل الناس
تاركين المهملات على الشاطئ
يصبحوا كالغزاة الذين غزوا أرضا واستمتعوا بها و بعد استمتاعهم رحلوا وتركوها بلا أي
اهتمام
ويعود الشاطئ بعد هذه الأشهر إلى الهدوء والنظافة والخلو من الناس إلا القليل,
ويصبح عالم آخر غير عالم هذه الأشهر.
ويظل بهذا الهدوء إلى أن تأتي هذه الأشهر أو إلى أن يأتي يوم شم النسيم ففي هذا اليوم
يعود المصيف والشاطئ إلى أشهر الصيف وكأنه في أعز أيام الصيف ويصبح أكثر,
ازدحاما من أي يوم في السنة ويصبح الشاطئ ممتلئا بالناس إلى أبعد حد..

وكأن ما يحدث في أشهر الصيف كلها يحصل من جديد وفي يوم واحد وهو يوم شم النسيم
, ولكن هذه المرة يغزوا الناس الشاطئ بشكل رهيب ويستمتعوا بالبحر واللعب
ومن ثم يرحلون مخلفين المهملات
فيشوهوا وجه البحر في هذا اليوم

فينحصر شكل الاستمتاع بهذا اليوم عند معظم الناس بالخروج إلى البحر وأكل الفسيخ
على الشاطئ ..
فالشاطئ يفتخر باحتفاء الله به بتزيينه البحر بالشمس من فوقه,
فشم النسيم يعني النسيم لا شم الفسيخ فيفترض أن يتمتع الناس في هذا اليوم بالهواء ورائحة الورود
فهذا اليوم يتكرر منذ 7 آلاف سنة باختلاف الاسم
وأول من ابتدع هذا اليوم كانوا الفراعنة
وكان يسمى شمو
أي عيد الحصاد أو عيد الخلق ... لماذا ؟
لأن الأرض في هذا اليوم تكون متفتحة, فكانوا يتمتعون بما حولهم دون إتلاف شيء
فكل ما يطلبه الشاطئ أن يستمتع الناس به, وإن لم يقدروا على تزيينه
فلا يعملوا على تقبيحه
, ليظل حسن المنظر من أجلهم ليستطيعوا أن يستمتعوا به كل مرة
لأنه بعد انتهاء يوم شم النسيم يرحل الناس تاركين الشاطئ

ليعود إلى هدوءه مرة أخرى منتظرا الغزو القادم

أغلى ناسي

اخواتي وحبايبي وأغلى ناسي
لجميلكم طول عمري مش ناسي
ياترى وصلــكوا احســــــــاسي

بجد مش نسي فضل حد عليا

بس كده وكفايه

لان مش ديما الناس اللى بتعملولها الجمايل

بتستحق الجمايل دى

جمايلكم و فضلكم بعد الله على عيني وراسي