ليه لازم تتغبى مع الناس؟
سؤال وجيه
؛؛؛
هو ليه لازم تتغبى مع الناس عشان تفهمك
او عشان تحس بيك صح!
وليه لازم تقسى على اللى بتحبه
عشان
يحس ان فى حاجه متغيره فيك او انك محتاج له جنبك!
يعنى مثلا ممكن تكون قاعد وسط ناس وعشان ساكت
يفسره سكوتك ده بانه ضعف
الحكايه مش حكاية ضعف
ولا لازم اعورك فى عينك عشان تحس بوجودى وبانى اقدر
ولا اضرخ عشان اتسمع
فيها ايه لو خدنا بالنا من كل اللى حوالينا
ده ميعرضش ان السكوت فى كل الاوقات مش صح
لكن فى وقات الانسان بيبقى مبسوط وخلاص من اللى حواليه بس مش لازم يتكلم
بكل بساطه لانه مش عارف
مش لانه ضعيف
وبعدين مش معنى ان يكون معايا سيف انى اعلن عنه عالطول
وافضل اقول زى الهبله،
،،،
هيه هيه هيه
هيه هيه هيه
هيه هيه هيه
،،،،،
انا معايا سيف اهو ياجدعان
،،،
فيها ايه لما افضل عينه لحد ما احتاجه
ليه لازم نورى اسلحتنا لبعض
الايام والمواقف اللى تبين مش انا اللى ابين
فالصح انى متسرعش فى الحكم على اى انسان ساكت
واحاول احتوى الناس اللى حواليه قدر الامكان
يبقى السؤال بجد
تخسر عينك ويصرخ فى وشك
ولا
محكمش على انسان ساكت
واستنى لما يطلع اللى عنده برحته
او لما الايام والمواقف تطلعه
لان مش ديما اللى بنحس بيه بنعرف نوصله
ممكن ابقى بحبك اوى بس لان مشاعرى دى كبيره من ناحيتك معرفش اوصلك
تنويه هام للمرة الاخيرة:
يا جماعه انا معرفش الموضوع اختلط عليكم ليه او مفهمتوش كلامى صح
انا كل اللى بقصده ان الانسان الساكت ده ممكن من تصرفات اللى قدامه غصب عنه يتغبى او يقسى على اللى قدامه ده عشان يحس بيه او يوصله انه يقدر
وده مش معناه انه مش عارف مشاعر اللى قدامه من ناحيته اه عارفه انك بتحبنى لكن ادينى مساحه ولا تفهم سكوتى ضعف
(الصمت ليس بالضرورة دليلا على الازدراء أو فراغ العقل
فأحيانا ما نصمت من كثرة ما نحمل من افكار او مشاعرفاقت
قدراتنا عن التعبير......هذه الكلمات مقتبسه من روحى هدى
هناك ٤ تعليقات:
اولا كان نفسي اكون اول واحده ارد عليكي في البلوج بس خير اديني اول واحده برد في الموضوع هو انتي مش لازم تتغبى ولا حاجه وليه نسميه غباء من اصله ليه مانسميهوش نوع من انواع الاهتمام بيكي ان استفز سكوتك وخرج ماوراء هذا الصمت الرهيب وده يبقى نوع من حبي ليك بس من وجهه نظري وازاي تقسى وانت بتحب وازاي تزعل وانت المفروض ماتزعلش من اللي بتحبه علشان فهمه عارفه استحمله ولا ايه وبعدن انا مش بقول ان الناس تخرم عيننا بعض لأن المفروض انا عينكي فخترميني ازاي انا ممكن اكون واخد بالي من كل اللي حوالي وفي ناس معينه ماينفعش تسكت ان هي تسكت مين يتكلم امال ازاي نفهم بعض ازاي كان الكلام لغه الحوار اللي هتقربنا من بعض ولا انا هشم على ضهر ايدي واقول اصلها كانت قصدها مش عارف ايه ولما يبقى معاك سيف ممكن اشوفه علشان اطمن عليك مش لانك ضعيف ولان الدنيا مش هتستناك لما تتغير فلازم نطلع سيوفنا بس ياخوفي اول ماتتطلع نطلعها في وش بعض
gamda mooooooot ya mini
mawdo3 to7fa bgd
w el modawnw kaman to7fa
rabene ya3zek ya mini
eny o7ebek fy ellah
mona
الكلام اتعمل علشان الناس تفهم بعض ... السكوت عمره ما كان وسيله أو حل لاى موضوع و مش عايز اقول عليها مشكله ... ببساطه كده السكوت وسط الناس بيتفهم انه قرف و زهق منهم او انك قاعد غصب عنك خصوصا لو تكرر كتير .... لو انا بحب فلان و بعزه و عمل معايا موقف وحش هروح و اكلمه و اعاتبه ببساطه .. لان العتاب دليل المحبه انما لو سكت و هوه محسش يبقى دى اول بذره لشجره البعد و الجفا .. سؤال بسيط كل واحد مننا اتعرض للموقف ده عمل ايه علشان الشخص التانى ده .. حاربت و عملت كل اللى فى ايدك من وسايل ... و على فكره سهل اوى انك تكسب انسان ده لو انت عايزه اصلا ... كلامى ده ميعفيش الشخص التانى من المسؤوليه لانه ببساطه اى علاقه مسؤوليه الطرفين ..نجاحها او فشلها هو مسؤوليه الطرفين ... كتير بيحصل اننا نهرب و نرمى المسؤوليه على الطرف التانى .. محدش يقول مش بيحصل و الدليل على كده او ما حد يسألك اوتوماتيك هترد و تقول اصله هوه .. مش بيحصل ؟
اللى عايز حد او حاجه بيحارب علشانها
طولت عليكم
بصفتي واحدة من عصر السينما الصامتة أنا كمان
يعني وشهد شاهد من أهلها
وكلمة حق مفيهاش مجاملة لحد ... أي حد ولا حتى نفسي
أرسطو قال: تكلم حتى أراك
وطالما أنا ساكت يبقى الناس معذورة لما متفهمنيش
وزي ما الناس لازم تتطول بالها عليا ومتتسرعش في الحكم عليا وتحاول تفهمني وتحتويني وماتحولش علامة الاستفهام اللى نتجت عن سكوتي إلى نقطة ..
أنا كمان لازم أطول بالي عليهم وأسامحهم لو فهموا غلط .. وأفهم استنكارهم لسكوتي أو ضغطهم عليا عشان أتكلم على إنه حب واهتمام مش عداء إطلاقا
واللى باين على وشه إنه غضبان كإنه مش طايقك .. هو في الحقيقة شاريك لدرجة إنه مش قادر يتحمل المسافة اللى عملها صمتك
لو شفت المشاعر الحقيقية لكل إنسان من ورا أفعاله اللى ممكن تبان قاسيه
هكتشف إن معظم الشياطين اللى بشوفهم ملايكة
مش ديما اللى بيبان هو الحقيقة ..
مش ديماااا
اللى بيباااان
هو الحقيــــــــقة
إرسال تعليق